March 28, 2017

JINSI YA KUPIKA KACHORI ZA DUARA

Vipimo

Viazi                                                            1kg
         
Ndimu                                                          2

Rai                                                               2 vijiko vya chai

Unga wa ngano au wa dengu                        2 vikombe vya chai

Bizari ya majano                                          1 Kijiko cha chai

Chumvi                                                        Kiasi

Pilipili ya unga                                               Kiasi upendavyo

Mafuta ya kukaangia


                                     
Namna Ya Kutayarisha Na Kupika


  1. Osha viazi vizuri na viweke katika sufuria


  1. Tia maji ndani ya sufuria iliyokuwa na viazi na hakikisha maji niyakutosha kuweza kuivisha viazi


  1. viweke jikoni vichemke na kuiva baada ya hapo viweke viazi pembeni vipoe kwanza


  1. Kisha menya maganda na uviponde ponde hadi vilainike


  1. Tia chumvi kiasi, ndimu, rai na pilipili  na vichanganye pamoja vizuri.

  1.  Kata madonge madonge na yazungushe zungushe katika mikono ili yawe duara


  1. Chukua unga na tia bizari ya majano, chumvi kiasi na maji kiasi


  1. Changanya mchanganyiko huo hadi uchanganyike vizuri uwe mzito mzito


  1. Weka kikaango jikoni na subiri mafuta yapate moto


  1. Kisha chukua donge moja moja na lichovyee lote katika unga ulio tengeneza hakikisha donge hilo limeenea unga huo sehemu yote


  1. Kisha tumbukiza katika kikaango na fanya hivyo kwa madonge mengine yaliyo bakia


  1. Baada ya kumaliza yote tia katika sahani na tayari kwa kuliwa

Post a Comment

Whatsapp Button works on Mobile Device only