September 8, 2018

Ukumbusho Wa Kukithirisha Kufunga (Swiyaam) Mwezi wa Al-Muharram Na Swiyaam Ya Taasu'aa na 'Aashuraa (9 na 10 Muharram

Muharram 1440H
Ukumbusho Wa Kukithirisha Kufunga (Swiyaam) Mwezi wa Muharram
Na Swiyaam Ya Taasu'aa na 'Aashuraa  (9 na 10 - Muharram, sawa na Jumatano tarehe 19 na Alkhamiys tarehe 20, 2018M) Pamoja Na Masiku Mengineyo

Nabiy (Swalla Allaahu 'alayhi wa aalihi wa sallam) amesema: 
 أَفْضَلُ الصِّيَامِ بَعْدَ رَمَضَانَ شَهْرُ اللَّهِ الْمُحَرَّمُ  رواه مسلم
Swiyaam (funga) bora kabisa baada ya Ramadhwaan ni swawm ya mwezi wa Allaah wa Al-Muharram. [Muslim]
Pia, tunawanasihi kufunga Swawm siku ya Taasu'aa na 'Aashuraa (Tarehe 9 na 10 Al-Muharram 1439H). Asiyeweza kufunga swawm tarehe 9 Al-Muharram, baadhi ya Wanachuoni wanasema anaweza kufunga tarehe 10 na 11 Al-Muharram japokuwa hakuna Hadiyth sahihi ya kufunga siku ya baada yake (Al-Muharram 11). Na asiyejaaliwa kufunga tarehe 9 na 10 Al-Muharram, basi asikose kufunga Swawm tarehe 10 Al-Muharram pekee. Hayo ni kutokana na fadhila zake za kufutiwa madhambi ya mwaka mmoja kama ilivyothibiti katika Hadiyth ya Nabiy (Swalla Allaahu 'alayhi wa aalihi wa sallam):
((صِيَامُ يَوم عاشوراء إنِّي أحْتَسبُ علَى اللهِ أن يُكفِّرَ السَّنةَ التِي قبلَه)) رواه مسلم
Swawm ya siku ya 'Ashuraa, nategemea kutoka kwa Allaah Ayafute madhambi ya mwaka uliotangulia) [Muslim]

Kwa faida zaidi soma makala katika kiungo kifuatacho:


Masiku mengineyo ya Swiyaam za Sunnah na fadhila zake:
Jumatatu na Alkhamiys:    

عن أبي هريرة رضي الله عنه: تُعرَضُ الأعمالُ يومَ الاثنينِ والخميسِ فأحبُّ أن يُعرَضَ عملي وأنا صائمٌ
Imepokelewa kutoka kwa Abuu Hurayrah (Radhwiya Allaahu 'anhu) kwamba Nabiy (Swalla Allaahu 'alayhi wa aalihi wa sallam) amesema: “'Amali zinapandishwa siku ya Jumatatu na Alkhamiys, basi napenda kwamba zipandishwe 'amali zangu nikiwa mimi nimefunga Swawm.” [Swahiyh At-Tirmidhiy 747, Swahiyh At-Targhiyb 1041]

Swiyaam ya Jumatatu:
عَنْ أَبِي قَتَادَةَ الْأَنْصَارِيِّ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ سُئِلَ عَنْ صَوْمِ الِاثْنَيْنِ فَقَالَ: (( فِيهِ وُلِدْتُ وَفِيهِ أُنْزِلَ عَلَيَّ)) .
Kutoka kwa Abuu Qataadah Al-Answaariyy (Radhwiya Allaahu 'anhu) kwamba Rasuli wa Allaah (Swalla Allaahu 'alayhi wa aalihi wa sallam) aliulizwa kuhusu Swawm ya Jumatatu akasema: “Nimezaliwa siku hiyo na siku hiyo nimeteremshiwa (Qur-aan).” [Muslim]

Masiku Matatu Katikati Ya Mwezi:    

Tangazo litafuatia In Shaa Allaah.

Post a Comment

Whatsapp Button works on Mobile Device only