August 17, 2020

Ukumbusho Wa Kukithirisha Swawm Mwezi wa Al-Muharram Na Swiyaam Ya Taasu'aa na 'Aashuraa (9 na 10 Muharram)

 

Nabiy (Swalla Allaahu 'alayhi wa aalihi wa sallam) amesema: 

 أَفْضَلُ الصِّيَامِ بَعْدَ رَمَضَانَ شَهْرُ اللَّهِ الْمُحَرَّمُ  رواه مسلم

"Swiyaam (funga) bora kabisa baada ya Ramadhwaan ni swawm ya mwezi wa Allaah wa Muharram." [Muslim]

 

Tunawanasihi hali kadhalika kufunga siku ya Taasu'aa na 'Aashuraa (Tarehe 9 na 10 Muharram 1442H). Asiyeweza Swawm tarehe 9 Muharram basi baadhi ya 'Ulamaa wanasema kuwa mtu anaweza kufunga tarehe 10 na 11 Muharram japokuwa hakuna Hadiyth sahihi ya kufunga siku ya baada yake; yaani Muharram 11. Na asiyejaaliwa kufunga tarehe 9 na 10 Muharram, basi asikose Swawm ya tarehe 10 Muharram pekee. Hayo ni kutokana na fadhila zake za kufutiwa madhambi ya mwaka mmoja kama ilivyothibiti katika Hadiyth ya Nabiy (Swalla Allaahu 'alayhi wa aalihi wa sallam):

((صِيَامُ يَوم عاشوراء إنِّي أحْتَسبُ علَى اللهِ أن يُكفِّرَ السَّنةَ التِي قبلَه)) رواه مسلم

"Swawm ya siku ya 'Ashuraa, nategemea kutoka kwa Allaah Ayafute madhambi ya mwaka uliotangulia." [Muslim]

 

 

Masiku mengineyo ya Swiyaam za Sunnah na fadhila zake:

 

Jumatatu na Alkhamiys:    

 

عن أبي هريرة رضي الله عنه: تُعرَضُ الأعمالُ يومَ الاثنينِ والخميسِ فأحبُّ أن يُعرَضَ عملي وأنا صائمٌ

Imepokelewa kutoka kwa Abuu Hurayrah (Radhwiya Allaahu 'anhu) kwamba Nabiy (Swalla Allaahu 'alayhi wa aalihi wa sallam) amesema: “'Amali zinapandishwa siku ya Jumatatu na Alkhamiys, basi napenda kwamba zipandishwe 'amali zangu nikiwa mimi niko katika Swawm.” [Swahiyh At-Tirmidhiy 747, Swahiyh At-Targhiyb 1041]

 

Swiyaam ya Jumatatu:

 

عَنْ أَبِي قَتَادَةَ الْأَنْصَارِيِّ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ سُئِلَ عَنْ صَوْمِ الِاثْنَيْنِ فَقَالَ: (( فِيهِ وُلِدْتُ وَفِيهِ أُنْزِلَ عَلَيَّ)) .

Kutoka kwa Abuu Qataadah Al-Answaariyy (Radhwiya Allaahu 'anhu) kwamba Rasuli wa Allaah (Swalla Allaahu 'alayhi wa aalihi wa sallam) aliulizwa kuhusu Swawm ya Jumatatu akasema: “Nimezaliwa siku hiyo na siku hiyo nimeteremshiwa (Qur-aan).” [Muslim]

 

 

 

 

Swawm Ya Nabiy Daawuwd:  Siku Kufunga Na Siku Kuacha kutokana na Hadiyth ya Nabiy (صلى الله عليه وآله وسلم):

أَحَبُّ الصِّيَامِ إِلَى اللَّهِ صِيَامُ دَاوُدَ، كَانَ يَصُومُ يَوْمًا وَيُفْطِرُ يَوْمًا

"Swawm inayopendeza zaidi kwa Allaah ni Swawm ya Daawuwd, alikuwa anafunga siku moja na anakula siku moja” [Al-Bukhaariy, Muslim]

 

 

 

Tutaweka taarifa za kuandama mwezi In Shaa Allaah.  

Post a Comment

Whatsapp Button works on Mobile Device only